ہے حاجیوں کا وہ جمعِ غفیر کیا کہنے
لبِ نبیؐ پہ ہے شانِ امیرؑ کیا کہنے
علیؑ کی پاک ولایت ہے دین کی تکمیل
پیام لائی ہے عیدِ غدیر کیا کہنے
خمِ غدیر میں جب مصطفیٰؐ نے ہاتھ اٹھایا
جہاں نے سُن لیا حکمِ قدیر، کیا کہنے
“مَن کُنتُ مَولاہُ” کی صدا گونجی فضاؤں میں
ہوا بلند علیؑ کا وقار، کیا کہنے
کمالِ دین کا مژدہ ملا اسی دن تو
خدا نے بخشی یہ عیدِ منیر، کیا کہنے
جسے نبیؐ نے بنایا تھا رہبرِ امت
ہے اس امام کی شانِ کبیر، کیا کہنے